ପଢିବା ସହ ସଙ୍ଗୀତର ମଜା ନିଅନ୍ତୁ ।
ଆଉ ଗଛ ତ ନାହିଁ । ସେ ଗଛ ଭାରି ବୁଦ୍ଧିଆ | ସେ ହୃଦୟବାନ୍ ଆମ୍ବଗଛଟି ଆଉ ବଞ୍ଚିକରି ନାହିଁ । ମୂଲିଆ ଆସି କୁରାଢ଼ିରେ ପଗ ପଗ କରି କାଟିଦେଇ ଗଲା । ଚଢ଼େଇ ବସାଥିବା ଡାଳଟି ଆଉ ଗୋଟିଏ ଗଛରେ ଡେରିଦେଲା ।
ଖବରକାଗଜ ଲେଖିଥିଲା ‘କଟକରେ ରାତି ଅଧରେ ଭୀଷଣ ଝଡ଼ ଓ ବର୍ଷା ।ସହର ଭିତରେ ପୁରୀଘାଟରେ ଆମ୍ବଗଛ ଓଲଟି ପଡ଼ିଛି ।’ ଗଛଟି ତା’ର ମରଣ ଖବର,ଖବରକାଗଜରେ ଦେବାର ବ୍ୟବସ୍ଥା କରିଛି । କେଡ଼େ କପାଳିଆ ?
ଦୁଇଦିନ ପରେ ଗୋଟିଏ ସନ୍ଧ୍ୟାବେଳେ ଗୋପାଳବାବୁ ଜଣେ ଲୋକଙ୍କୁ ନିଜର ଘର ଚିହ୍ନଟ ଦେଲାବେଳେ କହୁଥିଲେ- ପୁରୀଘାଟ ଫାଣ୍ଡିରୁ ପଶ୍ଚିମ ଦିଗକୁ ଗଲେ ଯେଉଁଠି ପ୍ରଥମ ଆମ୍ବଗଛ ପାଇବେ - ନା, ନା, ଭୁଲ କହିଲି, ସେ ଆମ୍ବଗଛଟି ପଡ଼ିଯାଇଛି ଏଇ ଝଡ଼ରେ..... ।
ଆଷାଢ଼ର ଧୂମାଳ ନିଜର ପରାକ୍ରମ ଦେଖାଇବାକୁ ଲୁଟିନେଇଛି ଗୋଟିଏ ନିରୀହ ନିରପରାଧ ଆମ୍ବଗଛ । ସେ ପୁଣି ଦୁର୍ବଳ ଥିଲା, ଉଇ ଖାଇ ଯାଇଥିଲେ; କିନ୍ତୁ ସେଇ ଘରର ଓ ସେଇ ମଣିଷଙ୍କର ଗୋଟିଏ ବନ୍ଧୁ ଠକି ଦେଇ ଚାଲିଯାଇଛି - ସେଇ ଝଡ଼ ରାତିରେ ।
***********************